آخر تحديث / Last updated: 18 أكتوبر 2026
في SmartFactor كل جهاز بيتفحص قبل ما يتشحن، وعايزينك تشتري وانت مطمّن. الصفحة دي بتوضح الضمان وإزاي تستبدل أو ترجّع أي منتج. حقوقك المنصوص عليها في قانون حماية المستهلك رقم 181 لسنة 2018 محفوظة دايمًا، والسياسة دي مش بتقلل منها.
1. مدة الضمان
- اللابتوبات وأجهزة الكمبيوتر المستعملة (استيراد خارج): ضمان 3 شهور على الهاردوير من تاريخ الاستلام، إلا لو صفحة المنتج أو الفاتورة ذكرت مدة أطول.
- البطارية والشاحن في الأجهزة المستعملة: ضمان شهر واحد من تاريخ الاستلام.
- المنتجات الجديدة (حبارات، هاردات، رامات، كاميرات، سويتشات، طابعات): ضمان الوكيل أو الموزّع حسب المدة المكتوبة في الفاتورة أو على المنتج.
- الضمان بيغطي عيوب التشغيل والهاردوير، ومش بيشمل السوفتوير والبرامج والويندوز.
- الفاتورة أو رقم الطلب هو المرجع لبداية الضمان ومدته.
2. المعاينة عند الاستلام
من حقك تعاين المنتج قدام المندوب قبل الاستلام. لو فيه كسر أو اختلاف واضح عن المواصفات المكتوبة على الموقع، ارفض الاستلام أو بلّغنا فورًا على واتساب مع صور، وهنتحمل إحنا مصاريف الشحن.
3. الاسترجاع والاستبدال
- بدون سبب: تقدر تطلب الاسترجاع أو الاستبدال خلال 14 يوم من تاريخ الاستلام، بشرط إن المنتج يكون بنفس حالته وقت الاستلام ومعاه كل ملحقاته وكرتونته (إن وُجدت). في الحالة دي العميل بيتحمل مصاريف الشحن رايح وجاي.
- لو فيه عيب: خلال 30 يوم من الاستلام، من حقك تختار الاستبدال بمنتج مماثل أو استرداد المبلغ، بعد الفحص الفني اللي بيأكد العيب، وإحنا بنتحمل مصاريف الشحن.
- بعد 30 يوم وجوه مدة الضمان: بنصلّح العيب. ولو الإصلاح مش ممكن بنستبدل الجهاز بجهاز مماثل، ولو مفيش بديل مماثل بنتفق معاك على بديل مناسب أو نرجّعلك المبلغ.
- المنتجات الاستهلاكية زي الحبارات بيتم استرجاعها بس لو لسه متقفلة في عبوتها الأصلية أو فيها عيب صناعة.
4. رد المبلغ
بعد استلام المنتج المرتجع وفحصه، بنبلّغك بالنتيجة خلال يومين عمل. ولو الطلب اتقبل، المبلغ بيرجع بنفس طريقة الدفع (نقدي أو تحويل بنكي) خلال 7 أيام عمل بحد أقصى. مصاريف الشحن الأصلية مش بترجع، إلا لو سبب الاسترجاع غلط مننا أو عيب في المنتج.
5. حالات لا يشملها الضمان أو الاسترجاع
- الكسر أو الخدوش أو أي تلف حصل بعد الاستلام، أو دخول سوائل، أو حرق نتيجة الكهرباء.
- فتح الجهاز أو محاولة إصلاحه أو تغيير أي قطعة فيه عن طريق جهة غير SmartFactor.
- إزالة ملصق الضمان أو السيريال أو التلاعب فيهم.
- مشاكل السوفتوير أو الفيروسات أو البرامج اللي العميل نزّلها.
- انتهاء مدة الضمان، أو عدم وجود فاتورة أو رقم طلب.
6. إزاي تقدّم طلب ضمان أو استرجاع
ابعتلنا على واتساب أو الإيميل رقم الطلب، واسمك، ورقم موبايلك، ووصف للمشكلة، ولو أمكن صور أو فيديو. هنرد عليك خلال يوم عمل ونحدد طريقة الفحص، إما في مقرّنا أو عن طريق شركة الشحن.
للتواصل / Contact: واتساب واتصال 01099966906 – 01010770290 – Info@smartfactor.net
العنوان: 65 شارع عباد الرحمن، المقطم، القاهرة / 65 Ebad Elrahman St., Al-Mokattam, Cairo.
English summary
- Warranty: used (imported) laptops and PCs carry a 3-month hardware warranty from delivery, unless the product page or invoice states a longer period. Battery and charger: 1 month. New items carry the manufacturer or distributor warranty shown on the invoice. Software is not covered.
- Inspection on delivery: you may inspect the item in front of the courier and refuse it if it is damaged or not as described.
- Returns: within 14 days of delivery for any reason, if the item is in its original condition with all accessories (return shipping paid by the customer). Within 30 days for a confirmed defect, you can choose a replacement or a refund, and we pay the shipping. After that, defects within the warranty period are repaired or the item is replaced.
- Refunds: made by the original payment method within 7 business days of approval. Original shipping fees are refunded only for defects or our error.
- Not covered: physical or liquid damage, electrical burns, third-party repairs or opening, removed or tampered warranty seals, software issues, an expired warranty, or no proof of purchase.
- Your statutory rights under Egyptian Consumer Protection Law No. 181 of 2018 always apply.